İspaniyanın "Real" klubu Argentina millisinin və "River Pleyt"in gənc üzvü Franko Mastantuononu transfer edib.

Bu barədə Madrid klubunun mətbuat xidməti məlumat yayıb.

Argentinalı yarımmüdafiəçi ilə müqavilənin müddəti 2031-ci ilə qədər nəzərdə tutulub. Lakin anlaşma avqustun 14-də, futbolçunun 18 yaşı tamam olan gün qüvvəyə minəcək.

Xarici KİV-də yer alan məlumatlara görə, transferin məbləği təxminən 45 milyon avro təşkil edəcək və bu, hissə-hissə ödəniləcək.

Qeyd edək ki, F.Mastantuono “River Pleyt”in heyətində meydana çıxdığı 61 matçda 10 qola 7 məhsuldar ötürməyə imza atıb. O, iyunun 6-da Argentina millisində debüt edib.

“Cebheinfo.az”