“Bu il mayın 1-nə Azərbaycanda vaxtı keçmiş kreditlərin məbləği 502,6 milyon manat təşkil edib. Azərbaycan Mərkəzi Bankından verilən xəbərdə deyilir bu, aprelin 1-i ilə müqayisədə 4,4 % çoxdur”.

“Cebheinfo.az” xəbər verir ki, bu fikirləri iqtisadçı-ekspert Razi Abbasbəyli deyib.  

Ekspert bildirib ki, ölkədə problemli kreditlərin məbləği ilin əvvəlinə nisbətən 11,9 %, son 1 ildə isə 8,7 % artıb:

“Aprelin sonuna vaxtı keçmiş kreditlərin ümumi kredit portfelində xüsusi çəkisi 1,7 % təşkil edib. Bu nisbət martın sonuna 1,6 %, ötən il dekabrın sonuna 1,5 %, ötən il aprelin sonuna isə 1,8 % olub.

Mayın 1-nə bankların kredit portfeli 26 milyard 442,6 milyon manat təşkil edib. Son 1 ildə sektorun kredit portfeli 13,9 % böyüyüb.

İlk baxışdan elə təəssürat yaranır ki, bu təhlükəlidir. Lakin bu artım ilk növbədə ümumi kredit portfelinin artması ilə bağlıdır.Mayın 1-ə olan məlumata əsasən ölkədə ümumi kredit portfeli 26 milyard 442,6 milyon manat təşkil edib. 

Nəticədə İllik artım +13,9 faiz olub. Bu, kifayət qədər yüksək artım tempidir və iqtisadiyyatda kreditləşmənin genişləndiyini göstərir.Bununla bağlı bir mühim məqamı da unutmayaq. Ümumi kredit portfelinin artması əhalinin yaşayış standartlarının yüksəlməsi, avtokredit, istehlak kreditləri və ipoteka kreditlərinə marağı artırır.

Həmçinin, inflyasiyanın yüksək olduğu şəraitdə insanlar əllərindəki vəsaiti əvəzləmək üçün daha çox borc almağa meyilli olurlar. Qısacası problemli kreditlərin nominal həcmi artsa da, onların payı hələlik kritik deyil. Lakin artım davam edərsə və makroiqtisadi vəziyyət dəyişərsə (məsələn, faizlərin artması, gəlirlərin azalması), bu, gələcəkdə kredit risklərini artıracaq.

Aşağıdakı qrafikdə 2023-cü ilin aprelindən 2024-cü ilin aprel ayına qədər Azərbaycanda vaxtı keçmiş kreditlərin məbləği və onların ümumi kredit portfelində xüsusi çəkisi göstərilir.Gördüyün kimi vaxtı keçmiş kreditlərin məbləği 2025-ci ildə artaraq 502,6 milyon manata çatıb. Onların ümumi portfeldəki payı isə 1,5 %-dən 1,7 %-ə yüksəlib, amma hələ də kritik səviyyədə deyil”.

Nigar
“Cebheinfo.az”