Yaponiyada əhalinin sayı son 15 ildə dəfələrlə azalıb.

"Cebheinfo.az" xəbər verir ki, bu barədə ölkənin Daxili İşlər və Rabitə Nazirliyi məlumat yayıb.

2023-cü ildə doğulan körpələrin sayı 730 minlə indiyə qədərki ən aşağı səviyyədə qalıb.

Keçən il ölənlərin sayının 1,58 milyon olaraq qeyd edildiyi Yaponiyada ümumi əhali ardıcıl 15-ci ildir ki, yarım milyondan çox azalıb.

2024-cü il yanvarın 1-nə ölkə əhalisinin sayı 124,9 milyon nəfər olub.

Yaponiyada yaşayan əcnəbilərin sayı 11 faiz artaraq ilk dəfə 3 milyonu keçib.

Hazırda ümumi əhalinin təxminən 3 faizini təşkil edən əcnəbilər, əsasən, 15-64 yaş qrupunda olan əmək qabiliyyətli insanlardır.

Nigar Hacılı 
"Cebheinfo.az"