Yaxın Şərqdəki gərginlik yerini ticarət danışıqlarına verərkən, neft qiymətləri də son iki ildə ən böyük həftəlik enişinə doğru gedir. 

"Cebheinfo.az" xəbər verir ki, bazarlar indi diqqətini Yaxın Şərq münaqişəsindən ABŞ-nin ticarət danışıqlarına çevirib. Brent markalı neftin bir bareli təxminən 12 faiz ucuzlaşaraq 68 dollar ətrafında sabit qalıb. ABŞ xam nefti (WTI) 65 dolları keçib. 

Mövcud atəşkəslə investorlar diqqətlərini ABŞ və Çin arasında ticarət danışıqlarındakı irəliləyişlərə yönəltməyə başladılar. ABŞ ticarət naziri Hovard Lutnik keçən ay razılaşma əldə olunduğunu bildirmişdi. Lutnik bildirib ki, iki gün əvvəl imzalanan saziş Çinin ABŞ-yə nadir torpaq elementləri tədarükü ilə bağlı müddəaları ehtiva edir. 

Çinin Vaşinqtondakı səfirliyinin sözçüsü şərh verməkdən imtina edib. Neftin qiyməti bazar ertəsi ABŞ-nin İranın nüvə obyektlərinə endirdiyi aviazərbələrdən sonra bahalaşdıqdan sonra bu həftə bir barrel üçün 15 dollar civarında, daha sonra isə ABŞ Prezidenti Donald Trampın atəşkəs elan etməsindən sonra çərşənbə axşamı günü 15 dollar ətrafında dəyişib. 

Atəşkəs dünya xam neftinin təxminən üçdə birini istehsal edən regionda tədarükün kəsilməsi ilə bağlı narahatlıqları azaldıb. Atəşkəsdən bəri Tramp İranın neft gəlirlərinə qarşı “maksimum təzyiq” kampaniyası ilə bağlı qarışıq mesajlar verib. O, ABŞ-nin maliyyə sanksiyalarının Çinin İrandan neft alışını dayandırmadığını deyib. 

CNN xəbər verir ki, Tramp administrasiyası Tehranla danışıqların yenidən başlaması üçün sanksiyaların yumşaldılması və dondurulmuş vəsaitlərin sərbəst buraxılması kimi stimulları müzakirə edir. 

Nigar 
"Cebheinfo.az"