Amerika və İran tərəfləri arasında anlaşma memorandumunun imzalanmasından sonra Hörmüz boğazında minaların təmizlənməsi 50 günə qədər çəkə bilər.

"Cebheinfo.az" xəbər verir ki, bu barədə "Reuters" agentliyinin 15 iyunda Qərb mənbələrinə istinadən verdiyi məlumatda bildirilir.

Hesabatda deyilir: "Qərb dəniz təhlükəsizliyi mənbələrinin hesablamalarına görə, ənənəvi minaaxtaranlar və qabaqcıl sualtı dronlardan istifadə edilən əməliyyat, bir çox sığorta, gəmiçilik və neft şirkətlərinin davam etmək üçün kifayət qədər əmin olmasına qədər 40-50 gün çəkə bilər".

Gözlənilən gecikmə qlobal bazarlara ciddi təsir göstərə bilər, çünki dünyanın ən böyük iqtisadiyyatlarında neft ehtiyatları 2003-cü ildən bəri ən aşağı səviyyəyə çatıb. Agentliyin məlumatına görə, 28 fevraldan bəri maneə törədilən Fars körfəzindən göndərilən neftlə yanaşı, boğazda on milyonlarla barel xam neft də qala bilər.

"Biz hələ də inanırıq ki, tranzit daşınmalarına bu vaxtdan başlamaq çox risklidir", - deyə BIMCO gəmiçilik assosiasiyasının baş təhlükəsizlik zabiti Ceykob Larsen bildirib.

O qeyd edib ki, boğaz ərazisindəki mina təhlükəsi gələcəkdə də narahatlıq doğuracaq. Larsenin sözlərinə görə, minasız marşrutların yaradılması vacibdir.

Xəzər

"Cebheinfo.az"