Tehranın nüvə proqramı ilə bağlı ABŞ-İran danışıqlarının dördüncü raundu bu həftəsonu, mayın 10-11-də baş tuta bilər.

"Cebheinfo.az" Yenisabah.az-a istinadən xəbər verir ki, ABŞ prezidentinin xüsusi nümayəndəsi Stiven Uitkoffun müvafiq sözlərini bazar ertəsi X-də Axios-un müxbiri Barak Ravid sitat gətirib.

"Uitkoff mənə dedi ki, ABŞ bu həftəsonu İranla nüvə danışıqlarının dördüncü raundunu müzakirə etməyə çalışır. “Əgər bu baş verməsə, yalnız prezidentin Yaxın Şərqə səfəri ilə bağlı olacaq”, - deyə xüsusi nümayəndə bildirib.

Xüsusi elçinin sözlərinə görə, İranla danışıqlar müsbət məcrada gedir: "Biz müəyyən irəliləyiş əldə edirik. Ümid edirəm ki, danışıqlar düzgün istiqamətdə gedirlər. Prezident bunun mümkün olduğu təqdirdə diplomatik yolla həllini istəyir, ona görə də biz onu irəli aparmaq üçün əlimizdən gələni edirik".

Bazar ertəsi İslam Respublikası Xarici İşlər Nazirliyinin rəsmi nümayəndəsi İsmail Bəqayi Tehranın İranın nüvə proqramı ətrafında böhranın həlli məsələsində Vaşinqtonla dolayı danışıqları davam etdirməyə hazır olduğunu və vasitəçi rolunu oynayan Omandan növbəti görüşün tarixini və yerini gözlədiyini bildirib.

"Cebheinfo.az"