Küveytdə partlayış səslərinin eşidilməsindən sonra Bəhreyndə də hava hücumu xəbərdarlıq sirenlərinin işə düşdüyü bildirilib.

"Cebheinfo.az" xəbər verir ki, Bəhreyn Daxili İşlər Nazirliyi tərəfindən sosial şəbəkə hesabında yayılan açıqlamada ölkədə sirenlərin aktivləşdirildiyi qeyd olunub.

Bildirilib ki, Küveytdə partlayış səslərinin eşidilməsi və regionda yaranmış təhlükəsizlik vəziyyəti fonunda Bəhreyn vətəndaşlarından, eləcə də ölkədə yaşayan əcnəbilərdən sakit qalmaları və ən yaxın təhlükəsiz ərazilərə yönəlmələri xahiş olunub.

Bundan əlavə, əhaliyə hadisələrlə bağlı məlumatları yalnız rəsmi mənbələr və dövlət kanalları vasitəsilə izləmək tövsiyə edilib.

Bu arada, Küveyt ordusu da yaydığı açıqlamada hava hücumundan müdafiə sistemlərinin ölkəyə qarşı həyata keçirilən raket və pilotsuz uçuş aparatı (PUA) hücumları səbəbindən fəaliyyətə başladığını bəyan edib.

Regionda gərginliyin artması fonunda təhlükəsizlik qüvvələri vəziyyəti yaxından izləyir.

Nigar Hacılı 
"Cebheinfo.az"