Hakim “Vətəndaş Müqaviləsi” Partiyası artıq gələcək parlamentdə əsas vəzifələr uğrunda mübarizə aparır. 

Əvvəllər bu vəzifəyə namizədliyi irəli sürülən Ermənistanın ABŞ-dəki keçmiş səfiri Lilit Makuntsun artıq əsas namizəd hesab edilmir”.

“Cebheinfo.az” xəbər verir ki, bunu "Hraparak" qəzeti yazıb.

Qəzetin məlumatına görə, yeni parlamentin hələ formalaşmamasına baxmayaraq, partiya daxilində liderlik vəzifələrinin bölüşdürülməsi fəal şəkildə müzakirə olunur. 

Qeyd olunur ki, partiya siyahısında ilk 30-35 yeri tutan namizədlərin parlament mandatları alması faktiki olaraq təmin edilir.Qəzet iddia edir ki, xüsusi diqqət parlamentin sədri vəzifəsinə yönəlib:

“"Vətəndaş Müqaviləsi" hazırkı fraksiya lideri Hayk Konjoryanı bu vəzifəyə ən uyğun namizəd hesab edir, bəzi partiya üzvləri isə hazırkı spikerin istefa verməli olduğunu düşünürlər”. 

Qəzet yazır ki, vitse-spiker Ruben Rubinyan da bu vəzifə uğrunda mübarizə aparır, lakin partiyad onu çox qarşıdurmaçı və konstruktiv ünsiyyət qura bilməyən biri kimi tanıyırlar.

Bu arada, Ermənistanın ABŞ-dəki keçmiş səfiri Lilit Makuntsun namizədliyi qəti şəkildə nəzərdən keçirilməyib. Onun təyin olunma ehtimalı aşağıdır.

Ermənistan mediası əvvəllər Makuntsun parlament sədri vəzifəsinə aparıcı namizədlərdən biri hesab edildiyini bildirib.

Xatırladaq ki, Ermənistanda parlament seçkiləri 7 iyunda keçirilib və seçki yarşında on altı partiya və iki blok iştirak edib.

Mərkəzi Seçki Komissiyasının ilkin məlumatlarına görə, Nikol Paşinyanın hakim “Vətəndaş Müqaviləsi” Partiyası səslərin 49,825%-ni toplayıb. Biznesmen Samvel Karapetyanın müxalifətdəki “Güclü Ermənistan” bloku 23,281%, keçmiş prezident Robert Köçəryanın Ermənistan bloku isə 9,934% səs toplayıb. 

Mərkəzi Seçki Komissiyasının ilkin məlumatlarına görə, iş adamı Qagik Tsarukyanın “Çiçəklənən Ermənistan” Partiyası səslərin 3,99%-ni toplayıb ki, bu da təlb olunan həddən cəmi 0,01% aşağıdır Mərkəzi Seçki Komissiyasından səslərin yenidən sayılmasını tələb edib. Seçkilərdə iştirak 58,94% olub.

Xəzər
“Cebheinfo.az”