“Ermənistanın Baş naziri Nikol Paşinyanın kilsəni hədəfə alan bəyanatları ilə bağlı Korrupsiyaya qarşı Mübarizə Komissiyasına şikayət edilib”.

“Cebheinfo.az” xəbər verir ki, bunu Ermənistan Vəkillər Akademiyasının rektoru Ara Zohrabyan yazıb.

“Nikol Paşinyan baş nazir postunu tutarkən “Dövlət qulluğu haqqında” Qanunla müəyyən edilmiş davranış prinsiplərini rəhbər tutmağa borcludur, bunlar:
(1) ictimai xidmət haqqında məlumatlılıq,
(2) ictimai maraqlara sadiqlik,
(3) yaxşı davranış və hörmət,
(4) dürüstlük,
(5) obyektivlik.

İstənilən şəraitdə ədəb-ərkan, nəzakət və təmkin nümayiş etdirməyə borclu olan Nikol Paşinyan özünün təmkinsiz, qeyri-qanuni ritorikası, ayrı-seçkilik münasibəti ilə ruhaniliyin yüksək rütbəli nümayəndələrinə, xüsusən də bütün ermənilərin katolikosuna, müstəqil yepiskop Ayapa Miyan və digər şəxslərə Erməni Apostol Müqəddəs Kilsəsinin idarə edilməsi üçün müdaxilə etməyə çalışır”.

O xatırladıb ki, “Ermənistan Respublikası ilə Erməni Müqəddəs Apostol Kilsəsi arasında münasibətlər haqqında” Qanunun 2-ci hissəsinin 2-ci bəndinə uyğun olaraq, Ermənistan Respublikası öz iyerarxiyası çərçivəsində Erməni Müqəddəs Apostol Kilsəsinin özünüidarəsini tanıyır. Bu və digər qanun pozuntuları ilə bağlı Korrupsiyaya qarşı Mübarizə Komissiyasına şikayət edilib.

“Komissiyanın Ermənistan Respublikasının baş naziri postunu tutan Nikol Paşinyanın davranış qaydalarını pozulması ilə bağlı prosesə başlayacaq və nəticə çıxaracağı gözlənilir”, - deyə o yazıb.

Xəzər
“Cebheinfo.az”