Çin Azərbaycanın dördüncü ən böyük ticarət tərəfdaşıdır.

"Cebheinfo.az" xəbər verir ki, bunu iqtisadiyyat nazirinin müavini Elnur Əliyev Azərbaycan-Çin İqtisadi və Ticarət Əməkdaşlığı Konfransında çıxışı zamanı deyib.

O qeyd edib ki, bu ilin yanvar-aprel aylarında Azərbaycanla Çin arasında ticarət dövriyyəsi 1,4 milyard ABŞ dollarını ötüb:

“Çinin müxtəlif ərazilərində Azərbaycana məxsus ticarət və şərab evləri var. Çin şirkətlərinin ölkəmizdə geniş təmsilçiliyi var. Bu ilin 1 may tarixinə olan məlumata görə, 320-ə yaxın Çin şirkəti ölkəmizdə fəaliyyət göstərir. O cümlədən, yaşıl enerji, nəqliyat, kənd təsərrüfatı sahələri bizim üçün böyük əhəmiyyətə malikdir”.

“Günəş və külək enerjisi potensialımız və Çinin yeni texnologiyalar sahəsindəki təcrübəsini ilə sinerji yaradaraq birgə layihələr formalaşdıra bilərik”, - deyə E.Əliyev əlavə edib.

"Cebheinfo.az"