ABŞ ordusu hazırkı müdafiə büdcəsi çərçivəsində planlaşdırılmamış hərbi əməliyyat xərcləri və yanacaq qiymətlərinin artması səbəbindən ciddi maliyyə çatışmazlığı ilə üzləşir.

“Cebheinfo.az” xəbər verir ki, bu barədə “Fox News” Pentaqon sözçüsünə istinadən yazıb.

Onun sözlərinə görə, İrana qarşı hərbi kampaniyalar, Cənubi Amerikadakı əməliyyatlar, ABŞ-nin cənub sərhəd bölgələrindəki əməliyyatlar, Milli Qvardiyanın yerləşdirilməsi və yanacaq qiymətlərinin kəskin artması Pentaqon resurslarına əlavə təzyiq göstərib və Ordu rəhbərliyini cari xərclər barədə "çətin" qərarlar qəbuluna məcbur edib.

Ordu sözçüsü polkovnik Marti Meyners kanala bildirib ki, rəhbərlik komandanlıqlara ən vacib ehtiyacları optimallaşdıran, prioritetləşdirən çətin və məlumatlı resurs bölgüsü qərarları verməyi tapşırıb.

May ayında Nümayəndələr Palatasının Silahlı Qüvvələr Komitəsinin dinləməsində ifadə verən ABŞ Hərbi Dəniz Qüvvələrinin Qərargah rəisi admiral Deril Kodl bildirib ki, əlavə maliyyələşdirmə olmadan Hərbi Dəniz Qüvvələri cari əməliyyatlara xərclərin azaldılması ilə bağlı iyul ayının əvvəlində qərarlar qəbul etməli ola bilər.

Eyni zamanda, rəsmilər “Fox News”-a bildiriblər ki, yanacaq qiymətlərinin artması hərbi təlimə və personalın, yükün və avadanlıqların daşınma xərclərinə ciddi təsir göstərir.

Rəsmi məlumatlara görə, Pentaqon hər il təxminən 80 milyon barel yanacaq alır.

Xəzər
“Cebheinfo.az”