Lənkəranda yol-nəqliyyat hadisəsi baş verib.

APA-nın cənub bürosunun verdiyi xəbərə görə, hadisə köhnə Ələt-Astara magistralının Lənkəran rayonu Parakənd kəndi ərazisində qeydə alınıb.

Lənkəran rayon Xanbulan kənd sakini 1954-cü il təvəllüdlü Xannəzər Abuzər oğlu Məmmədov, idarə etdiyi 42 BC 325 dövlət qeydiyyat nişanlı "VAZ-2106" markalı minik avtomobil, Lənkəran şəhər sakini 1998-ci il təvəllüdlü Allahverdi Yusif oğlu Şərbətovun idarə etdiyi 99-UO-042 dövlət qeydiyyat nişanlı "Mercedes" markalı yük avtomobili ilə toqquşub.

Mercedesin sürücüsü Allahverdi Şərbətovun sözlərinə görə qarşı tərəfin sürücüsü yolda sərt manevr edib və onun qarşısına çıxıb, qəza qaçılmaz olub. Qəzadan sonra istiqamətlərini dəyişən avtomobillər yol kənarındakı irigövdəli ağaclara çırpılıblar. Nəticədə xəs VAZ-ın sürücüsü xəsarət alaraq Təcili Tibbi Yardım xidmətinin köməyi ilə Lənkəran Rayon Mərkəzi Xəstəxanasına hospitalizasiya olunub. Ona sağ ayağın 1/3-nin sınığı diaqnozu qoyularaq müvafiq şöbəyə yerləşdirilib.

Faktla bağlı araşdırma aparılır.

"Cebheinfo.az"