ABŞ-də açılan dünyanın ilk süni intellekt sənət muzeyinə türk rəssamı Refik Anadol və yaradıcı direktor Efsun Erkılıç dəstək verir.

“Cebheinfo.az” xəbər verir ki, Los-Ancelesdə  “Dataland” adlı süni intellekt sənət muzeyi dünən qapılarını ziyarətçilərin üzünə açıb.

Muzeyin açılış sərgisi olan “Maşın Xəyalları: 

Yağış Meşəsi” dünyanın müxtəlif yerlərindəki yağış meşələrindən toplanan məlumatlardan istifadə edərək daim inkişaf edən vizual, eşitmə və qoxu təcrübəsi təqdim edir.

Sərgidə türk media sənətçilərinin əsərləri nümayiş olunur. Refik Anadol və yaradıcı direktor Efsun Erkılıç tərəfindən yaradılan muzey 10 milyon sətir kodla işləyən, 1,5 milyard piksel və milyardlarla məlumat nöqtəsindən ibarət təsvirləri emal edən və daim dəyişən rəqəmsal mənzərələr yaradan süni intellekt modelindən istifadə edir.

Məqsəd ziyarətçilərin tropik meşələri fiziki olaraq oraya getmədən yaşaya bilmələrinə imkan yaratmaqdır. Sərgi yalnız təbiətdən alınan məlumatlardan istifadə etmir. Divarlara yerləşdirilən sensorlar ziyarətçilərin hərəkətlərini izləyir, tibbi dərəcəli bilək bantları isə ürək döyüntüsü, emosional reaksiyalar və dəri temperaturu kimi məlumatları ölçür. 

Təcrübənin bir hissəsi olaraq portativ ətir yayıcıları da istifadə olunur. Toplanan məlumatlar süni intellekt modelinin yaratdığı vizual və hekayəyə real vaxt rejimində təsir göstərir. 

"Cebheinfo.az"