ABŞ Energetika Nazirliyi 3,7 milyard dollardan çox dövlət dəstəyi alan 24 ekoloji təmiz enerji layihəsinin dayandırıldığını açıqlayıb.

"Cebheinfo.az" xəbər verir ki, nazirliyin açıqlamasına görə, araşdırmadan sonra bu layihələrin Amerika xalqının enerji ehtiyaclarına töhfə vermədiyi, iqtisadi cəhətdən dayanıqlı olmadığı və ictimaiyyət üçün kifayət qədər gəlir gətirmədiyi müəyyən edilib.

Qeyd olunub ki, 3,7 milyard dollardan çox dövlət dəstəyi alan 24 layihə dayandırılıb.Ləğv edilmiş 24 layihədən 16-nın ABŞ-də prezident seçkilərinin keçirildiyi noyabr 2024-cü il və ABŞ Prezidenti Donald Trampın prezidentliyə başlayacağı 20 yanvar tarixləri arasında imzalandığı və layihələrin əsasən sənayedə karbon anbarı və karbon emissiyalarının azaldılmasına yönəlmiş təşəbbüslərin maliyyələşdirilməsinə yönəldiyi bildirilib.

Bəyanatda fikirləri yer alan ABŞ-nin energetika naziri Chris Rayt, ABŞ-nin keçmiş prezidenti Co Bayden administrasiyasını milyardlarla dollarlıq dövlət resurslarını xərcləməmişdən əvvəl hərtərəfli maliyyə araşdırması aparmadığına görə tənqid edib.

Tramp administrasiyasının vergi ödəyicilərinin pullarından ən yaxşı şəkildə istifadə etmək üçün lazımi qayğı göstərdiyini vurğulayan Rayt, qaynaqların ayrıldığı 24 layihəni yekunlaşdıraraq Amerika xalqının mənafeyinə uyğun hərəkət etdiklərini söyləyib.

Nigar
"Cebheinfo.az"