Avropalı alimlər müəyyən ediblər ki, regionda son vaxtlar Afrika taununun (ASF) yayıldığı bütün hallar bu patogenin eyni ştammları tərəfindən törədilib. 

“Cebheinfo.az” xəbər verir ki, mikrobioloqlar öz tapıntılarını “Genome Biology” and Evolution elmi jurnalındakı məqalədə təqdim ediblər.
Tədqiqatda deyilir: 

"Aparılan təhlillər göstərir ki, Afrika taunu son vaxtlar yayılıb. Onun daşıyıcılarının Afrikadan və ya dünyanın digər bölgələrindən idxalı ilə bağlı son epizodlar səbəb olmayıb". 

Mütəxəssislər müəyyən ediblər ki, ASF virusu Avropada ən azı 2007-ci ildən mövcuddur və son illərdə onun sürətlə yayılması miqrasiya və insan fəaliyyəti ilə bağlıdır. Məqalədə qeyd olunub ki, bir qrup avropalı molekulyar bioloq 2016-cı ilin iyulundan 2019-cu ilin avqustunadək Litva, Polşa, Almaniya və bəzi digər ölkələrdə fermalarda toplanmış ASF virus hissəciklərinin çoxlu sayda nümunələrini öyrənərkən bu qənaətə gəlib. Alimlər onların genomlarını tamamilə deşifrə edib və bir-biri ilə müqayisə ediblər.

ASF donuzlara və çöl donuzlarına təsir edən xüsusilə təhlükəli, yüksək yoluxucu virus xəstəliyidir. Xəstəlik həssas heyvanlarda qızdırma, qusma, qanlı ishal ilə özünü göstərir və adətən 100% hallarda onların ölümünə səbəb olur. Xəstəliyin müalicəsi və peyvəndi yoxdur. Vəhşi donuzlar patogenin təbii daşıyıcısıdır.

Xəzər
“Cebheinfo.az”