“Ermənistan Respublikasının müstəqilliyinin təsdiqlənməsindən dörd il sonra, 5 iyul 1995-ci ildə Ermənistan Respublikasının Konstitusiyası qəbul edildi. Bu gün konstitusiya dəyərlərinin qorunmasında və onların praktik tətbiqində hər birimizin rolunu yenidən düşünmək üçün bir fürsətdir”. 

“Cebheinfo.az” xəbər verir ki, Ermənistanın ədliyyə naziri Srbuhi Qalyanın “Facebook” paylaşımında belə deyilir.

"Ədliyyə sisteminin prioritet vəzifəsi Konstitusiyada təsbit olunmuş hüquq və təminatların yalnız elan edilməməsini, həm də həyata keçirilməsini və hər kəs üçün əlçatan olmasını təmin etməkdir.

Konstitusiya həm də hər birimiz üçün şüurlu bir seçim olmalıdır - yaşadığımız, əməkdaşlıq etdiyimiz və ictimai həyatımızı təşkil etdiyimiz qayda və prinsiplərin seçimi.

Onun böyük bir missiyası var - təkcə məsuliyyətli bir dövlət deyil, həm də qanuna hörmətin, qarşılıqlı etimadın və ictimai məsuliyyətin birgəyaşayışın təbii təməlinə çevrildiyi məsuliyyətli bir cəmiyyət formalaşdırmaq”,-deyə o yazıb.

Xəzər
“Cebheinfo.az”