Çexiyanın paytaxtı Praqada keçirilən cüdo üzrə gənclər arasında Avropa Kubokunun ilk yarış günü Azərbaycan millisi üçün bir medalla yadda qalıb.

“Cebheinfo.az” xəbər verir ki, yığmanın üzvü Əbil Yusubov (73 kq) finala gedən yolda keçirdiyi beş görüşün hamısında qələbə qazanıb.

Final qarşılaşmasında italiyalı Luço Tavolettaya uduzan Azərbaycan cüdoçusu yarışı gümüş medalla başa vurub.

Qeyd edək ki, Avropa Kubokunun son yarış günündə Azərbaycan millisinin daha 15 üzvü tatamiyə çıxacaq.

“Cebheinfo.az”