Hər kəsin pul haqqında öz fikirləri var - pul nə üçündür, bizə nə qədər lazımdır və ondan necə istifadə etmək lazımdır? 

Lakin Brigham Young Universitetinin (BYU) yeni araşdırması, pul haqqında şəxsi inanclarınızın da münasibətlərinizin sağlamlığına təsir etdiyini göstərir.

“Cebheinfo.az” xəbər verir ki, “Journal of Social and Personal Relationships”-də dərc olunan son araşdırmada BYU professoru Eşli LeBaron-Blak və həmkarları "pul skriptləri" adlanan bu inancların cütlərin maliyyə ünsiyyətinə və münasibət məmnunluğuna necə təsir etdiyini araşdırıblar.

Tədqiqatçılar 1153 evli cütlükdən ibarət milli nümunənin məlumatlarından istifadə edərək, hər iki tərəfdaşın fərqli pul inanclarının hər biri üzrə orta xalını, həmçinin cütlüklərin bir-birindən nə qədər oxşar və ya fərqli olduğunu müəyyən ediblər. Daha sonra iki tərəfdaşın inanclarının ümumilikdə nə qədər oxşar və ya fərqli olduğu müəyyən olunub.

Araşdırmanın nəticələri göstərib ki, pulla bağlı oxşar fikirləri paylaşan cütlüklər maliyyə mövzusunda daha effektiv ünsiyyət qurur və bu, daha çox evlilik məmnuniyyətinə səbəb olur. Professor "Hələ evli olmayanlar üçün tanışlıq zamanı maddi uyğunluğa diqqət yetirmək vacibdir",- deyə məsləhət görüb.

Əlbəttə ki, bütün pul inancları bərabər yaradılmayıb.

Tədqiqat göstərib ki, yüksək orta səviyyədə pula diqqət yetirən cütlüklər  xoşbəxtliyin satın alına biləcəyinə inanır. Onların pulun heç vaxt kifayət etməyəcəyinə inamı daha pis maliyyə münasibətlərinə və daha az evlilik məmnuniyyətinə gətirib çıxarır.

İnsanlar bunu dərk etməsələr də, onların pula münasibəti partnyoru ilə necə danışdıqlarına təsir edə bilər ki, bu da onların birlikdə xoşbəxt olmasına təsir göstərir.Tədqiqat sağlam münasibətlərin qorunmasında maliyyə uyğunluğu və ünsiyyətin vacibliyini, eləcə də maliyyə inanclarımızın bu əlaqələrə göstərə biləcəyi təsirləri vurğulayır.

Xəzər
“Cebheinfo.az”