“Estoniya Rusiya ilə sərhəddə yerləşən Narva şəhərində 200 əsgər üçün hərbi baza tikməyi planlaşdırır”.

“Cebheinfo.az” xəbər verir ki, Estoniya Müdafiə İnvestisiyaları Mərkəzinin Layihə Portfeli Meneceri Ando Vuğma bu barədə ERR-ə verdiyi müsahibədə bildirib.
O qeyd edib ki, planlaşdırılan əsas hərbi şəhərciyi bir mərhələdə tikəcək:

“İşlər ilin sonunda başlayacaq və 2028-ci ilin yayında başa çatacaq. Həmçinin Narvada konteynerlərdən istifadə edərək müvəqqəti hərbi şəhərcik tikəcəyik və tikinti işləri 2027-ci ilin əvvəlinə qədər başa çatacaq”.

Bildirilir ki, Narvada 1-ci Piyada Briqadasının bölməsinin yerləşdirilməsi planlaşdırılır.
Hərbi şəhərcik 1000 şəxsi heyətin yerləşdirilməsi üçün nəzərdə tutulub, lakin orada təxminən 200 əsgər daimi olaraq xidmət edəcək.

Aişə Abdulova
“Cebheinfo.az”