2025-ci ilin yanvar-aprel aylarında Azərbaycanda 1824 ədəd minik avtomobili, 33 ədəd isə yük avtomobili istehsal edilib.

“APA-Economics” Dövlət Statistika Komitəsinə istinadən xəbər verir ki, ötən ilin müvafiq dövrü ilə müqayisədə minik avtomobili istehsalı 92.4% artıb, yük avtomobili istehsalı isə 87% azalıb.

Qeyd edək ki, cari ilin may ayının 1-i vəziyyətinə hazır məhsul ehtiyatı müvafiq olaraq 138 ədəd minik, 13 ədəd isə yük avtomobili təşkil edib.

Hesabat dövründə ölkədə 199 ədəd traktor istehsal edilib ki, bu da ötən ilin müvafiq dövrü ilə müqayisədə 14.6% azdır.

Xatırladaq ki, ötən il ölkədə 5998 ədəd minik avtomobili, 697 ədəd isə yük avtomobili istehsal edilib.

"Cebheinfo.az"