Ermənistanda hərbi hissə və batalyon komandirlərinə qarşı 44 günlük müharibə ilə bağlı növbəti cinayət işi məhkəməyə göndərilib.

“Cebheinfo.az” xəbər verir ki, bu barədə Baş Prokurorluqdan bildirilib. 

Cinayət işinin istintaqı nəticəsində İstintaq Komitəsi müəyyən edib ki, hərbi hissənin komandiri, polkovnik A.O. 2020-ci il oktyabrın 6-dan oktyabrın 7-dək olan müddətdə xidməti vəzifələrinin icrasına səhlənkar münasibət göstərib, onları lazımınca yerinə yetirməyib ki, bu da səhlənkarlıqdan ağır nəticələrə səbəb olub.

O cümlədən, 2020-ci il oktyabrın 6-da Müdafiə Ordusu komandanından Horadiz şəhərinin qərb kənarında Lələtəpə istiqamətində hücuma başlamaq və qırılmış müdafiə xəttinin bərpası barədə əmri alan A.O. onu yerinə yetirməyib. İstintaq zamanı müəyyən edilib ki, N saylı hərbi hissənin tabor komandiri polkovnik-leytenant Q.A. 2020-ci il oktyabrın 7-də tabeliyində olan taborun şəxsi heyəti ilə hərbi hissənin qüvvələri tərəfindən həyata keçirilən əks-hücumun iştirakçısı olmaqla, Lələtəpə istiqamətində hücuma keçmək əmri alıb.

Lakin mövcud silah və sursat itkilərini hesablamaq bəhanəsi ilə döyüş əməliyyatlarında fəal iştirak etməmək niyyəti ilə döyüş tapşırığını davam etdirməkdən imtina edib.G.A. taborun şəxsi heyətinə təyin olunmuş marşrutdan kənara çıxmağı əmr edib, yuxarı komandanlıqla əlaqə saxlamaq təklifini rədd edib, sonra isə baş komandirin icazəsi olmadan bütün taborun şəxsi heyətinə əks-hücuma davam etmədən dönüb geri qayıtmağı tapşırıb.

Xəzər
“Cebheinfo.az”