Gürcüstan parlamentində “sarı səviyyə” təhlükəsizlik elan edilib. Belə ki, ziyarətçilərin girişi məhdudlaşdırılıb, əlavə təhlükəsizlik tədbirləri tətbiq edilib.

“Cebheinfo.az” bu barədə “Novosti-Qruziya”-ya istinadən xəbər verir.

Kütləvi informasiya vasitələrində yalnız hər birindən maksimum iki nəfər olmaqla televiziya qruplarının iştirakına icazə verilir.

Bu gün “Gürcü arzusu”nun liderlərindən biri, parlamentin spikeri Şalva Papuaşvilinin illik hesabatı dinləniləcək.

Bu gün həm də Gürcüstanda yeni parlament seçkilərinin keçirilməsi və saxlanılan nümayişçilərin azad edilməsi tələbi ilə keçirilən etiraz aksiyalarının 168-ci günüdür.

Gün ərzində fəallar Tbilisi Şəhər Məhkəməsinin binasına toplaşacaq və burada etiraz aksiyası iştirakçılarının növbəti məhkəməsi keçiriləcək. Tbilisidə axşam saat 19:00-dan sonra ictimai yayımda aksiyalar və Rustaveli prospektində parlament binası qarşısında ümumi yığıncaq planlaşdırılır. Aksiyaların Kutaisi, Batumi, Zuqdidi, Telavi, Qori, Axmeta, Çxorotsku və Axalsixe şəhərlərində də keçirilməsi planlaşdırılır.

Xəzər
“Cebheinfo.az”