NATO Zirvə Görüşü üçün Ankaraya gedən ABŞ Prezidenti Donald Tramp Prezident Rəcəb Tayyib Ərdoğan tərəfindən rəsmi olaraq qarşılanıb.

Mərasimdən sonra Ərdoğanla Tramp arasında Beştəpədə vacib bir görüş keçirilib. 

“Cebheinfo.az” xəbər verir ki, Zirvə Görüşündən əvvəl danışan Ərdoğan deyib:

"Əziz dostumla burada olmaq mənə güc verir".

Tramp da öz növbəsində  "Biz çox yaxşı dostuq, siz böyük bir lidersiniz, sizə hörmət edilir. NATO məni məyus etdi. Zirvə Türkiyədə olmasaydı, mən gəlməzdim. Dostum Ərdoğan məni dəvət etdi və mən gəldim",-deyib.

Tramp F-35-lərlə bağlı qərarın nəzərdən keçiriləcəyini və CAATSA sanksiyalarının ləğv ediləcəyini açıqladı. Ərdoğan Trampdan F-35-lərlə bağlı bir vəd aldıqlarını və müsbət bir qərar veriləcəyinə inandığını bildirdi.

Prezident Ərdoğan “Xüsusilə bu səfərin nə qədər vacib olduğunu vurğulamaq istəyirəm. NATO Zirvəsinin bu gün Ankarada keçirilməsi və bütün liderlərin indi ölkəmizdə görüşməsi və sabah əziz dostum Trampla birlikdə olacağımız bizə əlavə güc verəcək",-deyib.

Tramp açıqlamasında bildirib ki, hava limanına enən kimi adının yazıldığı bina ilə qarşılanmaq çox xoşdur:

“Hava limanı çox gözəldir, bütün yollar yenidir. Əvvəldən yaxşı münasibətlərimiz olub. Bu, aramızda çox xüsusi bir münasibətdir. Türkiyənin çox güclü bir lideri var. Güclü hərbi qüvvəsi var. Çox güclü bir ölkədir. Bu münasibətlər sayəsində hər şey yaxşı gedir. Prezidentə böyük hörmətim var.

Çox güman ki, İran haqqında da danışacağıq. İran ordusunu böyük ölçüdə məhv etdik. Onların nüvə silahı olmayacaq. Aranızda olmaq böyük şərəfdir. Çox yaxşı görüş keçirdik. Gözəl bir şam yeməyi yedik və çoxlu iş gördük”. 

Tramp F-35-lərdən də danışıb:

“Bu, verəcəyimiz bir qərardır. Çox yaxşı münasibətlərimiz var. Hamı deyir ki, niyə bunu etməyək? Türkiyə əksər ölkələrdən daha sadiqdir. Bu, nəzərdən keçirdiyimiz bir mövzudur. Dünyanın ən yaxşı təyyarəsi F-35-dir və biz bunu nəzərdən keçirəcəyik".

Tramp sözünə davam edərək deyib:

"Münasibətin niyə xüsusi olduğunu bilmək mümkün deyil, bəzi insanlar sizin tərəfinizdə olmalı, bəziləri isə olmamalıdır. Bəzi şeylər çox çətindir. Ya bacarıqlı insanlarla işləyirsiniz, ya da zəif insanlarla yola gedə bilmirsiniz. Bizdə keşişin işi var idi, o, uzunmüddətli həbs cəzasına məhkum edildi. Prezidentə zəng etdim və o, dərhal onu azad etdi. Xristian icması onu unutmayacaq.

NATO məni çox məyus etdi. Türkiyə olmasaydı, qoşulmaya bilərdim, amma dostuma görə qoşulmalı olduğumu düşünürdüm. İranla bağlı kömək istəmirdim. Avropanı qorumaq üçün trilyonlarla dollar xərclədik. Düşünürdük ki, bəlkə də bizə kömək etmək istəyəcəklər. İngiltərə müharibə bitdikdən sonra bizə kömək edəcəklərini dedi. Mən insanları sınayırdım", - deyə o bildirib.

Prezident Ərdoğan İran-ABŞ münasibətlərini daha yaxşı səviyyəyə çatdırmaq üçün çalışdıqlarını deyib:

“Biz əlimizdən gələni edirik və dünya sülhü üçün birlikdə çalışırıq. Qəzza ilə bağlı bu məsələləri hörmətli dostumla müzakirə etdim və xüsusilə də bu bölgədə sülhün təmin edilməsi üçün bu liderlərin zirvə görüşünə böyük əhəmiyyət veririk.

Zirvə görüşündən irəli gələn hər hansı bir qərarı müsbət şərh edirik və inanıram ki, bu mümkündür. Əlbəttə ki, F-35 bizim üçün yeni bir məsələ deyil, biz bunu əvvəllər ABŞ ilə müzakirə etmişik, 5 təyyarə üçün vəd almışıq. Cənab Tramp da bizə söz verdi və bilirəm ki, bu zirvə görüşlərində onlardan F-35 ilə bağlı aldığımız vədi müsbət şəkildə sınaqdan keçirəcəyik. Cənab Tramp bu məsələdə həmişə sözünə sadiqdir. İnanıram ki, F-35 ilə bağlı müsbət qərar olacaq."

Xəzər
“Cebheinfo.az”