Bu ilin yanvar-aprel aylarında Azərbaycan 1,1 milyon ABŞ dolları dəyərində 386,3 ton avokado (təzə və ya qurudulmuş) idxal edib.

"Report"un Dövlət Statistika Komitəsinin məlumatları əsasında apardığı hesablamalara əsasən, bu, 2025-ci ilin eyni dövrünün göstəricisindən dəyər ifadəsində 3 %, kəmiyyət olaraq – 7 % çoxdur.

Hesabat dövründə Azərbaycan Perudan 748 min ABŞ dolları dəyərində (bir il əvvəlki göstəricidən 55 % çox) 226 ton (+56 %), İsraildən 174 min ABŞ dolları dəyərində (+2 dəfə) 82 ton (+3 dəfə), Livandan 67,6 min ABŞ dolları dəyərində (+0,2 %) 21 ton (+14 %), Keniyadan 67,4 min ABŞ dolları dəyərində (+7 dəfə) 22,5 ton (+7 dəfə), Türkiyədən 36 min ABŞ dolları dəyərində (-56 %) 23,8 ton (-56 %) məhsul alıb.

Bu il son 16 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Suriyadan tədarük (6 min ABŞ dolları dəyərində 4 ton) həyata keçirilib.

"Cebheinfo.az"