TƏBİB rəhbəri narazı stamotoloqları qəbul edəcək

Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov bu gün stomatoloqları qəbul edəcək.

Bu barədə Bakupost.az -a narazı stomatoloqlardan biri bildirib.

O qeyd edib ki, görüş zamanı TƏBİB rəhbəri onları dinləyəcək və üzləşdiyi problemlərlə maraqlanacaq.

Qeyd edək ki, dünən stomatologiya sahəsində ixtisaslaşan bir qrup həkim bəyanat yayaraq, stomatoloji müəssisələrə tətbiq edilən yeni 1200 və 1800 manatlıq “plan” tələbinə etiraz ediblər. Onların tələbləri aşağıdakılardan ibarət idi:

1.TƏBİB-in tətbiq etdiyi 1200 və 1800 manatlıq plan tələbləri dərhal ləğv olunsun;

2.Stomatoloji fəaliyyət yalnız müvafiq diplom və icazəsi olan şəxslər tərəfindən həyata keçirilməli, digərlərinə qarşı hüquqi tədbirlər görülməlidir;

3. Təhsilli və peşəkar həkimlərin işdən uzaqlaşdırılması və ya təzyiqə məruz qalması dayandırılsın;

4. Həkimlərin əməyinə, peşəkarlığına və insan sağlamlığına verdiyi töhfəyə hörmətlə yanaşılsın.

"Cebheinfo.az"